حبة مو قصايد

حبه مو قصايد لو شعر ينكتب لو ينكال
حبه وسط قلبي هنا وساكن الروح
كلمن شافني صاح الله شنو هذاالجمال
من حبه حبيبي والله صرت مفضوح
يسألوني هلي:اشو صايرحلو ..وتمشي بدلال؟!
ضميت راسي بخجل شجاوبهم وين منهم اروح
شكلهم بكلبي شضامله احساس.. ماينشال
لو اطلع الشعب كلها عماله تنهزم وتروح
منو يكدر يحتمل عشكي اله مثل ماي ينهال
من اعلى جبل بزاخو ينزل بشوق للهور ايلوح
هذا عشكي وغرامي وحبي اله والله حلال
لان ياخذني بعشكه رغم كل مابيه من أجروح
هذا حبيبي الوطن الياما استشهدو بي أبطال
علي وعباس وعمر وهاشم وعثمان المذبوح
متكلي هذا منو الي يكتل ويفجر ويغتال
اشرف وطن ارض حيدرعلي ويونس ونوح
حرام عليك يالتهز هالدار الامنه بكل يوم انفجار
لشعب مايريد بس السلام لا قصور ولا صروح
كافي بعد والله حرام اريد اعرف المنو هذا الانتصار؟!!
اذا كل يوم تشييع وجنازة وقبر مفتوح
ادعوك ياربي خلص الصبر والاحتمال
وهنا امهات تركض عالجثث تبجي وتنوح
كتلتني رايات السود بأسماء الاطفال
مو كافي و ياعدو الانسانيه ولك من الله وين تروح
يارب ارحم هالشعب الياما انقهر وعاش بحرمان وانتظار..
حرية بلد واحلام وردية وتحقيق الطموح..
بقلمي .... شمس الدرر(شمس العراق)اليوم
[/center]